من طرف ĴōĐλ الثلاثاء مايو 12, 2009 2:20 am
أول ماتبدأ الحصة
(((( أستاذة مافهمت الدرس))))
أكيد مافهمتيه هذا من الهذرة والسوالف والسرحان والضحك بالحصة
(((( أستاذة ممكن أروح الحمام؟؟؟؟؟))))
يعني مافتكرتي تروحين ألا الحين بعد الحصه روحي أنتم زي الأطفال رايحين جايين على الحمام
(((( أستاذة ممكن تعيدين أللي قلتيه ماسمعته))))
أكيد ماسمعتي أنتي وصحباتك بس بتسولفون شلون بتسمعون؟
(((( أستاذة ممكن أشرب ماي؟))))
يعني ماصرتي عطشانه ألا الحين أحسن خلك عطشانه علشان ماتسولفون ووتتكلمين
(((( أستاذة منهجنا صعب خططي لنا الكتاب))))
من قبل المعلمه 3ردود
أول شي: أخطط لكم أطفال أنتم
ثاني شي: أنتم صرتوا كبار بصف(........) لازم تخططون بنفسكم
ثالث شي: مافي تخطيط كل شي معكم أحفظوا>>>>>>هذا أللي منقهره لأنها كانت تحفظ الكتاب كله
(((( أستاذة دفتري ضايع وش أسوي؟؟؟؟))))
في هذي الحاله المعلمه ترد عليها
الرد ألأول:هاه نعم؟؟ وش تسوين؟؟؟ أيش رايك أروح بيتكم و أدور عليه؟؟؟
الرد الثاني:لالا الحمدلله ماعندي دفاتر بمكتبي أنا أرسلت لكم كل الدفاتر ذيك المرة
الرد الثالث:ترى أن مالقيتي دفترك راح تعيدينه كله من أول
((((بنت تمسح السبورة وبعد ماخلصت أستاذة ممكن أغسل أيدي))))
أنا أعرفكم يابنات تبون تتهربوا من الحصه لا ياحبيبتي مافي طلعه أخذيلك منديل
(((( أستاذة الجو حار مانقدر نستوعب المكيف خربان))))
شو شايفيني أنا المصلح اللييصلح لكم المكيف؟؟؟روحوا ا لأدارة وقولوا لهم يلا لاتضيعي حصتنا
(((( أستاذة في نملة تحت الدرج)))) نمله أصلا النمله تخاف منكم يلا بلا تضييع وقت خلونا نكمل شرحنا بس علشان نمله صغيرة مسويين قصه
(((( أستاذة الجو حلو ممكن نفتح الشبابيك))))
أنتم ماتفتحون الشبابيك الأ علشان تتفرجوا على الرايح والجاي ماراح نفتح
(((( أستاذة الشمس على عيوني ممكن نسكر الستاير؟))))
لاخلوها أحسن لكم الشمس مفيده لكم الظاهر أن هالمعلمه متعاونه مع أحدى شركات التجميل علشان البنات يصيرون سووووووود من الشمس ويشترون كريمات جايز؟؟
(((( أستاذة صراحه الامتحان كان كثير صعب))))
سكتوووووووووووا مافي أحد طلب رايكم ..إيــه يالديمقراطيه هاهاهاهاهاها
((((((في حصة فراغ)))))) أستاذة الله يخليك طلعينا
مجنونة أنا أطلعكم ؟؟؟ عشان تسوون أزعاج وتزعجون الصفوف بعدين المديرة ماترضى
(((( أستاذة أنا تعبانة وديني على المشرفه))))
معليش لاتشاركين معنا بس أستمعي أو حطي راسك على الدرج وخذي غفوة أو نامي
الطالبه بتسأل سؤال بسيط (((( أستاذة ندرس من الدفتر أوالكتاب؟؟؟؟))))
تتحول ملامحها الى شر وتقول من الاثنين
